මෙඩිසිහිනය

හාන්සි පුටුවක දිගා වී කරන පුනරාවර්ජනයකි

වසර: 2006

මම පහේ ශිෂ්‍යත්වය සමත් වී ආනන්දයට පා තැබීමි. කොළඹ පරිසරය මට තවම නුහුරු ය. කොළඹ මිනිසුන් මට ඊටත් වඩා නුහුරු ය. මම පාසල් බස් රියේ නැගී ගෙදර යමින් සිටිමි. මට යාබද අසුනේ සිටියේ තාරකයියා ය. ඔහු අමුතු පොරකි. (ඔහුව සමාජය කොන් කෙරුවේ ඔහුගේම ඇතැම් කුහක ආකල්ප නිසාදෝ යි මට දැන් සිතේ.) මම හයේ ය; ඔහු හතේ ය. ආනන්දය ගැන ගුරුහරුකම් ගන්නයැයි මට දෙමාපියන් කීවේ ඔහුගෙනි.

මැද පෙළ අසුනක වාඩිවී සිටි මම දාඩිය පිසදමමින්, ජනේලයෙන් ඉස්සි ඉස්සි පාර දෙපස බලමින් සිටියෙමි. විටින් විට තාරකයියා සමග මෙලෝ රහක් නැති කදයක් ද දමන්නෙමි. ඒ අතරතුර වේලාවක තාරකයියා මගෙන් මෙසේ ඇසීය:
“පන්තියෙ කට්ටියගෙන් ඔයා මොනාහරි අහද්දි සමහර අය ඉන්නවා නේ කියලදෙන් නැති? ආ?”
මම ඔව් යැයි කීමි.
“මටත් හම්බෙලා තියෙනවා එහෙම අය. ඒගොල්ලො ආපහු ඔයාගෙන් මොනවහරි ඇහුවම ඔයත් ඒගොල්ලන්ට කියල දෙන්න යන්නෙපා හරිද? පස්සෙ ඒගොල්ලො ගිහිල්ලා ඒවා හොඳට විබාග වල ලියලා ලකුණු ගනියි, අපි තමයි පස්සට යන්නෙ!”
මම මුකුත් නොකීමි. නැවත ජනේලය දෙස හැරුණෙමි. දිගටම කියවන්න

මා ගිය පසු

මරණය කියන්නෙ බලාපොරොත්තු නොවන අවස්ථාවක්. කවුරුත් මරණය එන තුරු සැදී පැහැදී ඉන්නෙ නැහැ. කොපමණ අසාධ්‍ය රෝගීන් වුණත් තව දවසකින් හෝ දෙකකින් මැරෙන බව හිතන්නෙ නැහැ. සමහරවිට සතියකින් මියැදෙයි, හැබැයි ඒ සතිය මේ සතිය නම් නෙවෙයි.

අපි කවදාවත් සූදානම් නැහැ. කිසිම වෙලාවක් හරි වෙලාව නෙවෙයි. මරණය පැමිණෙනකොට, අපි කවදාවත් අපිට කරන්න තිබ්බ හැම වැඩක්ම කරලා ඉවර නැහැ. අවසානය ක්‍ෂණිකව ළඟාවෙන දෙයක්, එවෙලෙට වැන්දඹුවන් කඳුළු පෙරද්දි මළ ගෙවල් ගැන මෙලෝ හසරක් නොදන්න පොඩිඋන් නම් (දෙයියන්ට පිං සිද්ධවෙන්න) කම්මැලිකමේ බලාගෙන ඉන්නවා.

දිගටම කියවන්න

ඉංජිනියරින්

අද වුණේ කන කොකා විය-සිදුරෙන් අහස බලනවා වගේ කේස් එකක්. වෙලාව හවස පහයි, එළියෙ ගොරව ගොරව වහිනවා, ගෙදර කරන්ට් නෑ, කරන්න දේකුත් නෑ. පර්ෆෙක්ට්. ඉතිං, ගත්තා ලැප් එක කාලෙකට පස්සෙ ලියන්න (චාපාගෙ ඇල්බම් එකකුත් දාගෙන).

යකෝ මෙහෙම හිටියට මම දැං ඉංජිනියරින් තේරිච්ච කොල්ලෙක්! තොපිට අගේ නැති වුණාට!

රිසල්ට් ආව දා ඉඳලා පාර අයිනෙ ඉන්න බල්ලො පවා අහන්නෙ “තාම පටන්ගත්තෙ නැද්ද කැම්පස්?” කියලා. දැන් උන්ට ඒක අහලත් එපා වෙලා මට උත්තර දීලත් එපා වෙලා. ඒත් ඉතිං සිරිතක් විදිහට තාමත් අහනවා, අහලා අධ්‍යාපන අමාත්‍යංශෙටත් ටිකක් බැනලා ඡන්දෙ දිනපු උන්ටත් ටිකක් බැනලා යනවා. දිගටම කියවන්න

නිහඬ බව බිඳින්න…

සෑහෙන්න කාලෙකට පස්සෙ මේ කට අරින්නෙ බ්ලොග් එක වටේ තියෙන මකුළුදැල් ටික එහෙම පොඩ්ඩක් කඩලා දාන්න. වැඩි වෙලා සුද්ද කරන්න බලාපොරොත්තුවක් නෑ, මොකද දැං අපිටත් මේක ඇරෙන්න වෙන වැඩ තියෙනවා!

පසුගිය කාලෙ කට වහන් හිටියෙ වැඩ වැඩි නිසාමයි කියන්නත් අමාරුයි, මොකද දැන් පොඩ්ඩක් ආපස්සට හැරිලා බලද්දි කරපු මහලොකු මගුලකුත් නෑ. ඇත්තෙන්ම නෑමයි කියන්නත් අමාරුයි, මොකද අපි කරන හැමදේම පිටට පේනනෙ නෑනෙ. දිගටම කියවන්න

INET Colombo 2015 ඇරඹුණි

(මෙය http://readme.lk/inet-colombo-2015-happening/ ලිපියේ ඍජු පරිවර්තනයකි.)

ශ්‍රී ලංකාවේ විශාලතම අන්තර්ජාල උත්සවය වන INET Colombo 2015, 2015 ජුනි 9වන දින කොළඹ කිංග්ස්බරි හිදී පැවැත්වේ.

අන්තර්ජාල සංසදය – ශ්‍රී ලංකා අදියර මඟින් සංවිධානය කර ඇති මෙම උත්සවයේ අනුග්‍රාහකභවතුන් වන්නේ ශ්‍රී ලංකා ටෙලිකොම් සමාගම (ප්ලැටිනම් අනුග්‍රාහක), ඩයලොග් ආසියාටා සමාගම (සාංවත්සරික ප්‍රධාන අනුග්‍රාහක) සහ ශ්‍රී ලංකා තොරතුරු හා සන්නිවේදන තාක්‍ෂණ ඒජන්සියයි (ජාතික අනුග්‍රාහක).

ඒ අතරම, INET 2015 සඳහා මාධ්‍ය සහකරු ලෙස ReadMe අප කණ්ඩායම ක්‍රියාකරන බව සාඩම්බරයෙන් දැනුම් දෙමු.

දිගටම කියවන්න